Қарақалпақстан Республикасы Жоқарғы Кеңеси

⌂ ЎЗ ҚР РУ EN

САЗ ӨНЕРИНДЕ СЫЙҚЫРЛЫ КҮШ БАР...

Белгили илимпаз Ш.Ўәлийханов «Қарақалпақлар — саҳра бүлбиллери» деп бийкарға атамаған. Үлкемиздиң кең жазық жәзийрама қуяшлы далалары қосық ырғақларында, қандай да бир сыйқырлы ҳаўазларында жәмленип шайырлар тилинде жырланса, оған қосыла композитор дөретпелеринде еле де жанлы түске киреди. Республикамызда қосықшылық өнери опера ҳәм бақсышылық та кеңнен танылмақта. Опера жөнелисиндеги қосықшылар табысында марҳум Базарбай Надиров шеберлик мектебин жаратып кеткен болса, Қарақалпақстан Республикасына хызмет көрсеткен көркем-өнер ғайраткери Абат Қаллиев даўам етпекте. Ал, бақсышылықта да мақтаныўға ылайықлы жетискенликлер көзге тасланбақта.

Жақында пайтахтымызда «Саҳра бүлбиллери ­ саҳрадағы Лувр» атамасында республикалық музыка фестивалы болып өтти. Фестиваль шеңберинде И.В.Савицкий атындағы мәмлекетлик Көркем өнер музейинде мийманлар күтип алынғаннан соң «Шығыс халық музыка мәдениятында классикалық музыканың орны ҳәм әҳмийети» атамасында илимий-әмелий конференция болды. Конференцияға Ташкент қаласы, басқа да ўәлаятлардан ҳәм республикамыздан көркем өнер тараўынан мийманлар қатнасты.

Конференцияны Қарақалпақстан Республикасы Мәденият министри П.Айтмуратов басқарып барды. Соң Қарақалпақстан Республикасы Жоқарғы Кеңеси комитет баслығы Д.Қурбаниязов қутлықлаў сөз сөйледи. Қарақалпақстан Республикасы «Нураный» қоры баслығы Ш.Уснатдинов, Өзбекстан ҳәм Қарақалпақстан халық артисти М.Раззақовалар шығып сөйлеп, халқымыз турмысында көркем өнер тараўының әҳмийети ҳаққында пикирлерин билдирди.

Өзбекстан Мәмлекетлик консерваториясы оқытыўшысы, Өзбекстан Республикасы көркем өнер ғайраткери, профессор Тухтасин Гафурбеков «Шығыс дөретпелери ­ Батыс классиклери дөретиўшилигинде», Өзбекстан мәмлекетлик көркем өнер ҳәм мәденият институты кафедрасы баслығы, профессор Уразали Ташматов «Европа классикалық музыкасының өзбек музыка мәдениятына тәсири», Өзбекстан мәмлекетлик Көркем өнер ҳәм мәденият институты Нөкис филиалы оқытыўшысы, тарийх илимлериниң кандидаты Гүлшийра Хожаметова «Орта Азия халықлары музыка көркем өнериниң теориялық тийкарлары», көркемтаныў илими излениўшиси Артық Ережепов «Ғәрезсизлик жылларында Қарақалпақстан Республикасында музыка өнери», Нөкис мәденият ҳәм көркем өнер колледжи оқытыўшысы Гүлмәрьям Камалова «Қарақалпақ музыка мәдениятының раўажланыўы» атамаларында кең түрде бая­натлар жасағаннан соң терең талқылаў барысында пикирлер ортаға тасланды. Солай етип, саз әлеминиң сый­қырлы күши бәршеде тәсиршеңлик оятты.

Конференция қатнасыўшылары И.В.Савицкий атындағы мәмлекетлик Көркем өнер музейи залларындағы көргизбелер менен танысты. Соң музей фойесинде квартет атқарыўындағы концерт, музей алдында модалар ҳәм жергиликли өнерментлердиң көргизбелери бәршениң дыққатын өзине жәмледи.

Фестиваль шеңбериндеги классикалық вокал ҳәм саз әсбап музыка атқарыўшыларының республикалық таңлаўы Бердақ атындағы Қарақалпақ мәмлекетлик Академиялық музыкалы театрында болып өтти. Таңлаўда классикалық вокал ҳәм саз әсбап музыка атқарыўшылығы жөнелислери бойынша жеңимпазлар анықланды. Бул жеңимпазлар   И.В.Савицкий атындағы мәмлекетлик Көркем өнер музе­йиниң алдында салтанатлы түрде сыйлықланды. Фестиваль гала-концерт бағдарламасы менен жуўмақланды.

 

Басқа жаңалықлар RSS

10.09.2018 САХНАДА — ТОҒЫЗ ТОҢҚЫЛДАҚ...

«Той десе қуў бас жумалайды» дегениндей Ғәрезсизлик байрамы қарсаңында таза имараты пайдаланыўға тапсырылған пайтахтымыздағы Қарақалпақ мәмлекетлик жас тамашагөйлер театры әтирапы байрам түсине енип, әтирапына көркем өнер, ша¬йдалары, жаслар, қулласы усы тараўға қызығыўшы ықласбентлер менен толысты.

10.09.2018 АРХЕОЛОГ ИЛИМПАЗДЫҢ ЮБИЛЕЙИНЕ БАҒЫШЛАНДЫ

Жаслар орайында Өзбекстан Республикасы Илимлер Академиясы Қарақалпақстан бөлиминиң Қарақалпақ гуманитар илимлер илим-изертлеў институты археология бөлиминиң баслығы Өзбекстан Қаҳарманы Ғайратдин Хожаниязовтың туўылғанының 70 жыллығына бағышланған кеше болып өтти.

08.09.2018 УЛЛЫ БАБАМЫЗҒА ТЕРЕҢ ҲҮРМЕТ

Өткен жума күни таң сәҳәринде қуслардың сайраған ҳаўазы Беруний районы халқын ертерек оятты. Ҳәттеки, тереклер, гүллер де ерте оянғанға мегзейди.
Сақый қуяш бизди Беруний журтында жыллы нурлары менен күтип алды. Кең азада көшелерди толтырған халайық Беруний бабамыздың руўхын таўап етиўге асықты.

05.09.2018 ПУҚАРАЛЫҚ ЖӘМИЙЕТИНИҢ ҲУҚЫҚЫЙ ТИЙКАРЫ

Бердақ атындағы Қарақалпақ мәмлекетлик университетинде «Инсан ҳуқықлары Пүткил жәҳән декларациясы ҳәм инсан ҳуқықлары тараўында билим алыў ҳуқықы» темасында ушырасыў болып өтти.

31.08.2018 АЙМАҚ БАЛАЛАРЫНА БАЙРАМ САЎҒАСЫ

Жаңа оқыў жылының дәслепки күни пайтахтымыздағы «Жаңа базар» мәкан пуқаралар жыйыны аймағындағы 45-санлы улыўма билим бериў мектебиниң жаңа имараты пайдаланыўға тапсырылды.

30.08.2018 МИЙНЕТЛЕРИ МҮНӘСИП БАҲАЛАНЫП, ХОШАМЕТЛЕНДИ

Ең уллы байрамымыз-Өзбекстан Республикасы мәмлекетлик ғәрезсизлигиниң  27 жыллық байрамы жақынласқан сайын кеўлимизди шексиз қуўаныш сезимлери бийлемекте. Халқымыздың уллы пазыйлетлеринен бири-байрамларды мийнетте мол табыслар ҳәм республикамыздың жәмийетлик-сиясий турмысында әҳмийетли орын ийелейтуғын ўақыялар менен күтип алыў әдети ғәрезсизлик байрамы алдында да нәтийжели даўам етпекте.

30.08.2018 ПАЙТАХТЫМЫЗДА ЖАҢА ТУРАҚ ЖАЙЛАР ПАЙДАЛАНЫЎҒА БЕРИЛДИ

Усы жыл 31-август күни кең жәмийетшилик ўәкиллериниң қатнасында бул имаратлардың пайдаланыўға тапсырылыўына арналған салтанатлы мәресим өткерилди.

Усы жерде атап өтиўимиз тийис, бул квартиралардың алтаўының социаллық жақтан қорғаўға мүтәж, кем тәмийинленген, бағыўшысын жоғалтқан ямаса майыплығы бар шахсларға басланғыш төлеми қәўендерлер тәрепинен төленип берилгени болды.