Қарақалпақстан Республикасы Жоқарғы Кеңеси

⌂ ЎЗ ҚР РУ EN

Қарақалпақстан Республикасы Жоқарғы Кеңесиниң он үшинши сессиясы ҳаққында мәлимлеме

Қарақалпақстан Республикасы Жоқарғы Кеңесиниң он үшинши сессиясы ҳаққында мәлимлеме

Усы жыл 5-июль күни Нөкисте Қарақалпақстан Республикасы Жоқарғы Кеңесиниң он үшинши сессиясы болып өтти. Оған Өзбекстан Республикасы Олий Мажлиси Сенатының ағзалары, республика ҳүкиметиниң ағзалары ҳәм ғалаба хабар қуралларының ўәкиллери қатнасты.

Сессияны Қарақалпақстан Республикасы Жоқарғы Кеңесиниң Баслығы Муса Тәжетдинович Ерниязов басқарып барды.

Депутатлар сессияның Секретариатын сайлады ҳәм күн тәртибин тастыйықлады. 
Сессияда «Өзбекстан Республикасы Олий Мажлиси Сенаты Кеңесиниң 2013-жыл 14-июньдеги «Пуқаралардың өзин өзи басқарыў уйымлары ҳаққында»ғы ҳәм «Пуқаралар жыйынының баслығын (ақсақалын) ҳәм оның мәсләҳәтшилерин сайлаў ҳаққында»ғы Өзбекстан Республикасы Нызамларының турмысқа асырылыўын тәмийинлеў бойынша илажлар ҳаққынды»ғы қарарын орынлаў туўралы Қарақалпақстан Республикасы Жоқарғы Кеңеси Баслығының орынбасары А.Ҳамраев баянат жасады.

Бул мәселе бойынша Өзбекстан Республикасы Олий Мажлиси Сенатының Бюджет ҳәм экономикалық реформалар мәселелери комитетиниң баслығы А.Алтиев кең түрде шығып сөйледи.
Сессия бул мәселе бойынша тийисли қарар қабыл етти.

Депутатлар Қарақалпақстан Республикасы Орайлық сайлаў комиссиясының Баслығы    Е.Джуманазаровтың  мәлимлемесин тыңлады ҳәм мағлыўмат ушын қабыл етти.

Буннан соң депутатлар «Пуқаралардың өзин өзи басқарыў уйымлары ҳаққында»ғы, сондай-ақ, «Пуқаралар жыйынының баслығын (ақсақалын) ҳәм оның мәсләҳәтшилерин сайлаў ҳаққында»ғы   Қарақалпақстан Республикасы Нызамларының (жаңа редакцияда) жойбарлары туўралы мәселени көрип шықты. Бул бойынша Қарақалпақстан Республикасы Жоқарғы Кеңесиниң Нызамшылық, суд-ҳуқық ҳәм пуқаралардың өзин өзи басқарыў уйымлары мәселелери комитетиниң баслығы С.Хожаназаров баянат жасады.

Нызам жойбарлары бойынша «Мәҳәлле» қа¬йырқомлық қоры Қарақалпақстан Республикалық бөлиминиң баслығы Х.Елмуратов, 43-санлы «Толқын» сайлаў округинен депутат, Әмиўдәрья районының ҳәкими Р.Йулдашев, Қарақалпақстан Республикасы Әдиллик министри С.Худайбергенов, 72-санлы «Халқабад» сайлаў округинен депутат, Кегейли районының ҳәкими П.Турдымуратов өз пикир-усынысларын билдирди. 
Нызамлар қабыл етилди ҳәм өз күшине енгизилди.

«Мәлимлеме-китапхана жумысы ҳаққында»ғы Қарақалпақстан Республикасы Нызамының жойбары туўралы Қарақалпақстан Республикасы Жоқарғы Кеңесиниң Социаллық раўажланыў ҳәм жәмийетлик бирлеспелер мәселелери комитетиниң баслығы Б.Нурабуллаев баянат жасады.

Бул мәселе бойынша 58-санлы «Әмиўдәрья» сайлаў округинен депутат Қ.Коланов ҳәм Қарақалпақстан Республикасы Халық билимлендириў министри Р.Матқурбанов шығып сөйледи.

Депутатлар бул Нызамды ҳәм оны өз күшине енгизиў ҳаққында қарар қабыл етти. 

Сессияда «Нормативлик-ҳуқықый актлер ҳаққында»ғы Қарақалпақстан Республикасы Нызамының жойбары туўралы Жоқарғы Кеңестиң комитет баслығы С.Хожаназаровтың мәлимлемеси тыңланды.

Жойбар бойынша 83-санлы «Қараөзек» сайлаў округинен депутат, Қараөзек районының ҳәкими Д.Утемуратов өзиниң  пикир-усынысларын билдирди. 
Нызам қабыл етилди ҳәм өз күшине енгизилди.

Сессияда 2012-жылғы Инвестициялық Бағдарламаның орынланыўы  бойынша Қарақалпақстан Республикасы Министрлер Кеңеси жанындағы Бирден-бир буйыртпашы хызмети инжиниринг компаниясының баслығы К.Набатовтың есабы тыңланды. 
11-санлы «Пристань» сайлаў округинен депутат, Нөкис қаласының ҳәкими Ж.Опаев, 63-санлы «Алтынкөл»  сайлаў округинен депутат, Қоңырат районының ҳәкими З.Заитов шығып сөйлегеннен кейин бул мәселе бойынша да ти¬йисли қарар қабыл етилди. 
Буннан соң депутатлар Қарақалпақстан Республикасы айырым судлары судьяларының ўәкилликлери ҳаққындағы мәселени көрип шықты.

Сессия Камал Мақсетбаевич Тариховты Қарақалпақстан Республикасы Пуқаралық ислери бойынша Жоқарғы Суды баслығының орынбасары, Зульфия Хайдаровна Бабажанованы, Рахима Балтабаевна Худайбергенованы, Рахат Аминбаевич Исмаиловты Қарақалпақстан Республикасы Пуқаралық ислери бойынша Жоқар¬ғы судының  судьялары етип сайлады ҳәм Тимур Сағынбаевич Турдымуратовты Жынаят ислери бойынша Төрткүл районы судының баслығы,  Нәжиматдин Нызаматдинович Таировты Жынаят ислери бойынша Беруний районы судының баслығы етип тайынлады.

Депутатлар Қарақалпақстан Республикасы Жоқарғы Кеңеси Президиумының Жоқарғы Кеңестиң сессиялары аралығында қабыл еткен қарарларын тастыйықлады. 
Усының менен Қарақалпақстан Республикасы Жоқарғы Кеңесиниң он үшинши сессиясы өз жумысын тамамлады. 

 

Басқа жаңалықлар RSS

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.

06.07.2019 «ЖАСЛЫҚ»ТА КӨШПЕЛИ ҚАБЫЛЛАЎ

Усы жылдың 6-июль күни Қарақалпақстан Республикасы Жоқарғы Кеңесиниң Баслығы М.Ер­ния­зовтың пуқараларды көшпели қабыллаўы пайтахтымыз Нөкис қаласынан 300 км узақлықтағы, республикамыздың  ең шетки аймақларының бири есапланған Қоңырат районының «Жаслық» посёлка пуқаралар жыйынында болып өтти.

06.07.2019 ЖУМЫСЛАР ЖУЎАПКЕРШИЛИГИ ЖАНЛАНАЖАҚ

6-июль күни Өзбекстан Республикасы Бас министриниң орынбасары, Республика Ҳаял-қызлар комитети баслығы Элмира Боситхонова Өзбекстан Республикасы Президенти Ш.Мирзиёев тәрепинен Олий Мажлис Сенатының жигирмаланшы жалпы мәжилисинде белгилеп берилген ўазыйпалардың орынланыўын ҳәм Ҳаял-қызлар комитети хызметиниң әпиўайы ҳәм халықшыл болыўын тәми­йинлеў, усы тараў жумысларын системалы шөлкемлестириў, халық, әсиресе, ҳаял-қызлардың жасаў шараятын жақсылаўдағы тәсирин күшейтиў мақсетинде республикамызда болды.