Қарақалпақстан Республикасы Жоқарғы Кеңеси

⌂ ЎЗ ҚР РУ EN

ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.
 Ҳәзирги ўақытта республикамыз бойлап ең уллы, ең әзиз байрамымыз есапланған елимиз ғәрезсизлигине бағышланып  «Әзиз ҳәм жалғызымсаң, жанажан Өзбекстаным!» сүрени астында кең көлемли таярлық илажлары алып барылмақта. Пайтахтымыздың ең пайызлы орынларының бири, яғный Әжинияз шайыр естелиги жанында бой тиклейтуғын 55 метр бийикликтеги, өлшеми 9х6 метрге тең болған Өзбекстан ҳәм Қарақалпақстан Республикаларының мәмлекетлик байрақлары халқымыз ушын әжайып байрам саўғасы болып табылады. Бүгинги күни бул байрақлар Ташкент қаласында исленип атыр. Қурылыс жумысларын пайтахтымыздағы «Үй-жай қурылысы» жуўапкершилиги шекленген жәмийетиниң қурылысшылары алып барып, ғәрезсизлик байрамы алдында пайдаланыўға тапсырыўды режелестирилмекте.
Дүйшемби күни мәмлекетлик байрақлар қурылатуғын орынға ирге тасын қойыў салтанаты болды. Онда Қарақалпақстан Республикасы Жоқарғы Кеңесиниң Баслығы М.Ерниязов, Өзбекстан Республикасы Олий Мажлиси Сенатының ағзалары, Қарақалпақстан Республикасы Жоқарғы Кеңесиниң депутатлары, жәмийетлик шөлкемлердиң, оқыў орынларының, ҳуқық қорғаў уйымларының, ғалаба хабар қуралларының ўәкиллери қатнасты. Онда мәмлекетлик байрақлардың турмысымыздағы тутқан орнына, оның әҳмийетине тоқтап өтти. Ҳәмийше байрақларымыздың бәлентте желбирей бериўин тиледи.
Илажға Қарақалпақстан Республикасы Министрлер Кеңесиниң Баслығы Қ.Сариев қатнасты.

 

 

Басқа жаңалықлар RSS

18.02.2019 ХАЛЫҚ ҚАБЫЛЛАЎХАНАЛАРЫНА ХЫЗМЕТ АВТОМАШИНАЛАРЫ ТАПСЫРЫЛДЫ

Пайтахтымызда Өзбекстан Республикасы Президентиниң Қарақалпақстан Республикасы, қалалық ҳәм районлық Халық қабыллаўханаларына хызмет автомашиналарын тапсырыў салтанаты болып өтти.

16.02.2019 ЫЛҒАЛЛЫ ҚУРЫЛЫС МАЙДАНШАСЫНА АЙЛАНҒАН ЖЕРДЕ

Азанғы, жулынып тур­ған суўықтың «шақы» сәскеге қарай сынды. 

15.02.2019 ЖОҚАРЫ ҲҮРМЕТ КӨРСЕТИЛДИ

15-февраль күни Өзбекстан «Ветеран» жаўынгер-ветеранлар ҳәм майыплар бирлеспесиниң дүзилгениниң 25 жыллығы ҳәм әскерлеримиздиң Аўған жеринен алып шығылғанына 30 жыл толыў мүнәсибети менен урыс ветеранлары, кең жәмийетшилик ўәкиллери пайтахтымыздағы «Ҳәсиретли ана» ҳәм «Мәңги от» естеликлерине гүл шеңберлерин қойды.

10.02.2019 КЕМШИЛИКЛЕР СЫНҒА АЛЫНЫП, ЎАЗЫЙПАЛАР БЕЛГИЛЕНДИ

Усы жыл 10-февраль күни Республикамыз аймағында жынаятшылыққа қарсы гүресиў, ҳуқықбузарлықлар профилактикасы ҳәм жәми­йетлик қәўипсизликти тәмийинлеў бағдарындағы әмелге асырылған илажлардың бүгинги жағдайы, жумысшы топар тәрепинен анықланған кемшиликлер ҳәм алда турған ўазыйпаларға бағышланған мәжилис болып өтти.

09.02.2019 ӘСКЕРИЙ ОКРУГТИҢ 20 ЖЫЛЛЫҒЫ БЕЛГИЛЕНДИ

Усы жыл 9-февраль күни Бердақ атындағы Қарақалпақ мәмлекетлик академиялық музыкалы театрында Арқа-Батыс әскерий округи дүзилгениниң 20 жыллығына бағышланған мәжилис болып өтти.