Қарақалпақстан Республикасы Жоқарғы Кеңеси

⌂ ЎЗ ҚР РУ EN

ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.
Илажда Қарақалпақстан Республикасы Жоқарғы Кеңесиниң Баслығы М.Ерниязов, Өзбекстан Республикасы Сыртқы ислер министриниң биринши орынбасары Б.Асадов, Өзбекстан Республикасы Инвестициялар бойынша мәмлекетлик комитети баслығының биринши орынбасары Л.Қудратов, Өзбекстан Республикасы Саўда-санаат палатасының баслығы А.Икрамов қатнасып, Президентимиздиң басшылығында сырт еллер менен ҳәр тәреплеме байланысларды раўажландырыў, сырт ел инвесторларын тартыў бойынша алып барылып атырған жумысларға тоқтап өтти.
Атап өтилгениндей, елимизде сырт ел инвесторларының жумыс алып барыўы ушын бир қатар жеңилликлер және кең имканиятлар жаратылған. Соның нәтийжесинде сырт ел исбилерменлериниң елимизге болған қызығыўшылығы барған сайын артып бармақта.
Быйылғы жылдың өзинде республикамызға Германия, АҚШ, Қытай, Чехия, Япония, Қубла Корея ҳәм Туркия мәмлекетлериниң исбилерменлери менен ири компанияларының ўәкиллери келип, бирге ислесиў бойынша келисимлерге ерисилди. Өз гезегинде республикамыз делегациясының сырт еллерге сапары шөлкемлестирилип, оның шеңберинде 10 ға шамалас меморандумға қол қойылды.
Усы сапар ўақтында дүзилген инвестициялық жойбарлардың ҳәм басқа да шәртнамалардың орынланыў барысын ҳәр тәреплеме үйрениў бойынша дүзилген жумысшы топар ағзалары республикамызда болып, оның орынланыў барысы үйренип шығылды. Илаж барысында елимиздиң Қытай Халық Республикасындағы, Япониядағы, Қубла Кореядағы, Инденозиядағы, Германиядағы, Кувейттеги, АҚШтағы, Россия Федерациясындағы елшилери менен тиккелей видеобайланыс орнатылып, инвестициялық жойбарлардың ҳәм басқа да шәртнамалардың орынланыў барысы додаланды. Усы жылдың сентябрь айында республикамызда инвестициялық форум өткериў режелестирилген. Әлбетте, бул илаж сырт еллер менен саўда-экономикалық, инвестициялық ҳәм мәдений-гуманитарлық салаларда бирге ислесиўди буннан былай да раўажландырыўға хызмет етеди.
Илаж соңында бул бағдардағы жумысларды еле де жетилистириў бойынша ўазыйпалар белгиленди.
    

 

 

Басқа жаңалықлар RSS

18.02.2019 ХАЛЫҚ ҚАБЫЛЛАЎХАНАЛАРЫНА ХЫЗМЕТ АВТОМАШИНАЛАРЫ ТАПСЫРЫЛДЫ

Пайтахтымызда Өзбекстан Республикасы Президентиниң Қарақалпақстан Республикасы, қалалық ҳәм районлық Халық қабыллаўханаларына хызмет автомашиналарын тапсырыў салтанаты болып өтти.

16.02.2019 ЫЛҒАЛЛЫ ҚУРЫЛЫС МАЙДАНШАСЫНА АЙЛАНҒАН ЖЕРДЕ

Азанғы, жулынып тур­ған суўықтың «шақы» сәскеге қарай сынды. 

15.02.2019 ЖОҚАРЫ ҲҮРМЕТ КӨРСЕТИЛДИ

15-февраль күни Өзбекстан «Ветеран» жаўынгер-ветеранлар ҳәм майыплар бирлеспесиниң дүзилгениниң 25 жыллығы ҳәм әскерлеримиздиң Аўған жеринен алып шығылғанына 30 жыл толыў мүнәсибети менен урыс ветеранлары, кең жәмийетшилик ўәкиллери пайтахтымыздағы «Ҳәсиретли ана» ҳәм «Мәңги от» естеликлерине гүл шеңберлерин қойды.

10.02.2019 КЕМШИЛИКЛЕР СЫНҒА АЛЫНЫП, ЎАЗЫЙПАЛАР БЕЛГИЛЕНДИ

Усы жыл 10-февраль күни Республикамыз аймағында жынаятшылыққа қарсы гүресиў, ҳуқықбузарлықлар профилактикасы ҳәм жәми­йетлик қәўипсизликти тәмийинлеў бағдарындағы әмелге асырылған илажлардың бүгинги жағдайы, жумысшы топар тәрепинен анықланған кемшиликлер ҳәм алда турған ўазыйпаларға бағышланған мәжилис болып өтти.

09.02.2019 ӘСКЕРИЙ ОКРУГТИҢ 20 ЖЫЛЛЫҒЫ БЕЛГИЛЕНДИ

Усы жыл 9-февраль күни Бердақ атындағы Қарақалпақ мәмлекетлик академиялық музыкалы театрында Арқа-Батыс әскерий округи дүзилгениниң 20 жыллығына бағышланған мәжилис болып өтти.