Қарақалпақстан Республикасы Жоқарғы Кеңеси

⌂ ЎЗ ҚР РУ EN

ХАЛЫҚТЫҢ БӘНТЛИГИ — ӘҲМИЙЕТЛИ МӘСЕЛЕ

Елимизде социаллық ҳәм ислеп шығарыў инфрадүзилисин раўажландырыў арқалы халықтың жасаў шараятын жақсылаў, бәнтлик бағдарламасының орынланыўы бүгинги күнде халықты социаллық қоллап-қуўатлаў бағдарында алып барылып атырған реформалардың айқын көриниси десек болады.
Мәмлекетимизде халықтың мийнетке жарамлы қатламын, әсиресе, жасларды турақлы жумыс пенен бәнт етиў, жумыссызлық көрсеткишин қысқартыў мақсетинде республикамыз бойлап турақлы түрде бос жумыс орынлары мийнет ярмаркалары шөлкемлестирилип, онда көплеген пуқаралар жумыс орнына ийе болмақта. Усындай илажлардың бири жақында Қоңырат районында болып өтти.
2018-жыл даўамында жаңа жумыс орынларын шөлкемлестириў ҳәм халықтың бәнтлигин тәмийинлеў бағдарламасының орынланыўы бойынша «Жаслар — келешек қурыўшылары», «Халқымыз хызметинде болыў ҳәм елимиздиң раўажланыўына үлес қосыў — үлкен бахыт» сүренлери астында шөлкемлестирилген Қоңырат районындағы бос жумыс орынларының мийнет ярмаркасы дәслеп жас исбилерменлер, өнерментлер ҳәм фермерлер тәрепинен ислеп шығарылған миллий өнимлер көргизбеси менен басланды.
Илажға қатнасқан Өзбекстан Республикасы Президенти Мәмлекетлик кеңесгөйиниң орынбасары А.Усманов ҳәм Қарақалпақстан Республикасы Министрлер Кеңесиниң Баслығы Қ.Сариевлар усы мийнет ярмаркасына қатнасып атырған ўақтынша жумыссыз пуқараларды, әсиресе, жасларды өз қәнигеликлери бойынша жумысқа орналасып, белгили бир кәсип ийеси болып, жәмийетимиздиң раўажланыўына мүнәсип үлес қосыўына тилек билдирди.
Ярмаркаға район аймағындағы 53 мәкеме ҳәм кәрхана түрли қәнигеликлер бойынша 121 бос жумыс орны менен қатнасты. Онда жәми 200ге жақын пуқаралар қатнасып, 47 пуқараның бәнтлиги тәмийинленди. Сондай-ақ, ярмаркаға қатнасқан көпшилик пуқаралар өзлерин қызықтырған қәнигеликлери бойынша толғандырып жүрген сораўларына шөлкемлестириўшилерден тийисли жуўаплар алды.

 

 

Басқа жаңалықлар RSS

17.04.2019 ХАЛЫҚАРАЛЫҚ ПРЕСС-КЛУБ СЕССИЯСЫ ЖӘНЕ МОЙНАҚТА ӨТКЕРИЛДИ

Усы жыл 16-апрель күни Мойнақ районы «Мәдели» АПЖдағы «Шеге» аўылында «Ўзбекистон-24» телеканалы тәрепинен, тиккелей эфир арқалы берилетуғын «Халықаралық пресс-клуб»тың «Әжайыбат жүз бермейди, ол жаратылады» атамасындағы гезектеги сессиясы болып өтти.

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

09.04.2019 КОНСТИТУЦИЯ БАЙРАМЫНА БАҒЫШЛАНДЫ

Усы жыл 9-апрель күни Бердақ атындағы Қарақалпақ мәмлекетлик академиялық музыкалы театрында Қарақалпақстан Республикасы Конституциясы қабыл етилгениниң 26 жыллығына бағышланған салтанатлы мәжилис болып өтти.

05.04.2019 КИТАПҚУМАР ОҚЫЎШЫЛАРДЫҢ ҚАТАРЫ КӨБЕЙМЕКТЕ

Усы жыл 5-апрель күни Жаслар орайында Нөкис қаласындағы улыўма билим бериў мектеплериниң муғаллимлери ҳәм оқыўшылары арасында китапқумарлық мәдениятын үгит-нәсиятлаўға бағышланып өткерилген «Ең китапқумар мектеп» жойбарының жеңимпазларын сыйлықлаў мәресими болып өтти.

05.04.2019 МҮРӘЖАТТАҒЫ МАШҚАЛАЛАР ШЕШИМИН ТАПТЫ

Усы жыл 5-апрель күни Беруний районында Қарақалпақстан Республикасы Жоқарғы Кеңесиниң Баслығы М.Ерниязов ҳәм Өзбекстан Республикасы Бас прокурорының биринши орынбасары Э.Таджиевтиң басшылығында пуқараларды көшпели қабыллаў болды.