Қарақалпақстан Республикасы Жоқарғы Кеңеси

⌂ ЎЗ ҚР РУ EN

Мүрәжатнама

Қарақалпақстан Республикасы ҳаял-қызлар комитети, «Нураный» қоры Қарақалпақстан бөлими, «Мәҳәлле» қайырқомлық жәмийетлик фонды Қарақалпақстан бөлими, «Камалат» жаслар жәмийетлик ҳәрекети Қарақалпақстан Республикалық кеңесиниң Ғәрезсизлигимиздиң 22 жыллығы байрамын абатлық руўхында ҳәм абаданластырыў жумыслары менен күтип алыў ушын ата-аналар, жасы үлкенлер, жаслар ҳәм барлық елим деп, журтым деп жанып жасап атырған жерлеслеримизге мүрәжатнамасы

Әзиз ҳәм меҳрибан ата-аналар, жасы үлкенлер, жаннан әзиз перзентлеримиз, ул-қызларымыз!!!

Мине, биз ушын бийбаҳа жемис болған ғәрезсизлигимизге де 22 жыл толыўы қарсаңында турмыз. Әзелден тынышлық бар жерде, абаданлық, турақлы раўажланыў, гөззаллық ҳәм абатлық болыўын бәршемиз билемиз, буған исенимимиз кәмил, әлбетте.

Елимизде ғәрезсизлик жыллары даўамында Елбасшымыздың басшылығында ҳәр қыйлы салаларда дүнья тән алатуғын дәрежеде бийбаҳа реформалар, дөретиўшилик ислери әмелге асырылғанлығына бәршемиз гүўамыз. Халқымыз өткен дәўирде беккем исеними, мәртлиги менен еркинлигин, ғәрезсизлик идеяларына садықлығын көрсетип, дүнья аренасында мүнәсип ҳүрмет-иззетке сазаўар болмақта.

Ғәрезсизлигимиздиң 22 жыллығының «Қәдир-қымбатым, сүйенишим ҳәм мақтанышымсаң, ғәрезсиз Өзбекстан!» сүрени менен өткерилиўинде терең мәни бар. Себеби, ҳәр биримиз киндик қанымыз тамған жеримиздиң қәдир-қымбатына жетиўимиз ҳәм қәдирлеўимиз, ҳәр бир баслаған ийгиликли мақсетлеримиз мәмлекетимиз тәрепинен қоллап-қуўатланып, ҳәр бир тараўда жеңислерге ерисип атырған жерлеслеримиздиң мақтанышымызға айланып атырғанлығы, әйне ҳақыйқат болып табылады.

Быйылғы жылы да халқымыз ғәрезсизлигимиздиң 22 жыллық тойын көтериңки руўхта өткериўге үлкен таярлық көрмекте. Себеби, халқымыз ҳәр бир байрамды жақсы таярлықлар менен күтип алыў, бул бағдарда қоршаған орталықтың тазалығын сақлаў, шаңарақларды азада етип қойыў, кекселер, ата-анасыз қалғанлар, майыплардың ҳалынан хабар алыў, әсиресе, ҳәр бир жақсы истиң алдынан «баслап атырған исимиз оңынан келсин деп», бул дүньядан өткен ата-бабаларымызды еслеп, олар жатырған қойымшылықларды абат етиў бул бизиң халқымыздың қанына сиңип кеткен ибратлы үрп-әдетлерден бири болып табылады.

Әзиз ата-аналар, жаслар, ул-қызларымыз!!!

Келиң, ғәрезсизлигимиздиң 22 жыллық тойын зор көтериңки руўхта күтип алайық!!!

Байрам қарсаңындағы ҳәр бир күнде таярлық жумысларын алып барайық, шаңарақларымызды, қоршаған орталығымызды, жап-салма, каналларды, көше-қыябанларды, қойымшылықларды таза ҳәм азада тутыў, абаданластырыў ушын «Әҳмийетли 60 күнлик абаданлық» акциясын енгизейик ҳәм акцияда барлық елим деп, журтым деп, жанып жасап атырған жерлеслеримизди белсене қатнасыўға шақырайық! Елимизде жақсы нийетлер менен әмелге асырылып атырған реформалардың тийкарын қураўшы аўызбиршилик үлкен әҳмийетке ийе.

 

Басқа жаңалықлар RSS

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

17.07.2019 Өзбекстан – Қазақстан арасында халықаралық әҳмийетке ийе жол ашылды

Бүгин, 17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.

 

08.07.2019 ИСБИЛЕРМЕНЛЕРДИҢ МАШҚАЛАЛАРЫ ҮЙРЕНИЛДИ

Усы жыл 8-июль күни Қарақалпақстан Республикасы Жоқарғы Кеңесинде исбилерменлер менен ушырасыў болып өтти.