Қарақалпақстан Республикасы Жоқарғы Кеңеси

⌂ ЎЗ ҚР РУ EN

ПАРЛАМЕНТ КОМИССИЯСЫ АҒЗАЛАРЫ ПАХТА АТЫЗЛАРЫНДА

Өзбекстан Республикасы Олий Мажлиси Сенатының 2017-жыл 4-октябрьдеги “Өзбекстан Республикасының нызам ҳүжжетлерине ҳəм халықаралық мийнет стандартларына муўапық пуқаралардың кепилленген мийнет ҳуқықларын тəмийинлеўге байланыслы илажларды күшейтиў ҳаққында”ғы СҚ-231-III-санлы қарарына муўапық Пуқаралардың кепилленген мийнет ҳуқықларын тəмийинлеў мəселелери бойынша Парламент комиссиясы дүзилген еди.

2018-жылдың 5-ноябрь күни Парламент комиссиясы ағзасы, Өзбекстан Республикасы Олий Мажлисиниң Инсан ҳуқықлары бойынша ўəкили (омбудсман) У.Мухаммадиев басшылығында “Тараққиёт стратегияси” орайы директоры, Өзбекстан Республикасы Олий Мажлиси депутаты А.Бурханов, Өзбекстан Республикасы Олий Мажлисиниң Инсан ҳуқықлары бойынша ўəкили секретариатының аға референти А.Яшнарбеков ҳəмде Пуқаралардың кепилленген мийнет ҳуқықларын тəмийинлеў мəселелери бойынша аймақлық комиссиясы баслығы Д.Қурбаниязов қатнасыўында усы жылдың пахта жыйын-терими мəўсиминде теримшилерге жаратылған шараятларды үйрениў мақсетинде Қарақалпақстан Республикасының Хожели районы “Əмиўдəрья” АПЖ аймағындағы “Жарқынбий” фермер хожалығы ҳəм Қанлыкөл районы “Наўрыз” АПЖ аймағындағы “Қанлыкөл Алланияз” фермер хожалығының пахта атызларында болды.

Ол жерде пахта жыйын-теримине қатнасып атырған теримшилер менен ушырасып, халық арасында мəжбүрий мийнеттиң алдын алыў бойынша үгит-нəсият жумысларын алып барды.

Сондай-ақ, теримшилерге жаратылған шараятлар үйренилгенде бүгинги күнде 1 кг пахта терим пулы ушын 1000 сўмнан төленип атырғаны, буннан тысқары күнине 30 кг пахта терген ҳəр бир теримши ушын 1 л пахта майы берилип атырғаны, теримшилер түслик ўақтында ыссы аўқатлар менен тəмийинленип атырғаны мəлим болды.

Бундай жаратылған шараятлардан теримшилер разы екенлигин билдирип, шаңарақлары ушын қосымша дəрамат екенлигин айтып өтти.

 

Басқа жаңалықлар RSS

15.11.2018 ПРЕЗИДЕНТ ҚАРАҚАЛПАҚСТАНҒА ЖӨНЕП КЕТТИ

Өзбекстан Республикасы Президенти Шавкат Мирзиёевтиң басшылық жумысында өзине тән имиджи, турмыслық принциплери бар.

13.11.2018 ОРАЙДЫҢ ЖАҢА ИМАРАТЫ

Медицина хызметкерлериниң кәсиплик байрамы алдынан Қарақалпақстан Республикасы Мәмлекетлик санитариялық-эпидемиологиялық бақлаў орайының жаңа имараты пайдаланыўға тапсырылды. 

 

10.11.2018 МЕДИЦИНА ХЫЗМЕТКЕРЛЕРИНЕ ҚАРАҚАЛПАҚСТАН РЕСПУБЛИКАСЫ ЖОҚАРҒЫ КЕҢЕСИ ҲӘМ МИНИСТРЛЕР КЕҢЕСИНИҢ ҚУТЛЫҚЛАЎЫ

Ҳүрметли шыпакерлер ҳәм медицина тараўы хызметкерлери!
Бәршеңизди ҳәр жылы елимизде кеңнен белгиленип киятырған кәсиплик байрамыңыз – «Медицина хызметкерлери күни» менен Қарақалпақстан Республикасы Жоқарғы Кеңеси ҳәм Министрлер Кеңеси атынан қызғын қутлықлаймыз. 

10.11.2018 КӘСИПЛИК БАЙРАМ БЕЛГИЛЕНДИ

10-ноябрь күни Бердақ атындағы Қарақалпақ мәмлекетлик академиялық сазлы театрында денсаўлықты сақлаў хызметкерлериниң  кәсиплик байрамына бағышланып Қарақалпақстан Республикасы Денсаўлықты сақлаў тараўы хызметкерлери, нураныйлары ҳәм кең жәмийетшиликтиң қатнасыўында байрам салтанаты болып өтти.

06.11.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Түркияның Өзбекстандағы Айрықша ҳәм толық ҳуқықлы елшиси Аҳмет Башар Шен басшылығындағы делегацияны қабыллаў мәресими болды.