Қарақалпақстан Республикасы Жоқарғы Кеңеси

⌂ ЎЗ ҚР РУ EN

Жоқарғы Кеӊестеги қабыллаў

8-июль күни Қарақалпақстан Республикасы Жоқарғы Кеӊесиниӊ Баслығы М.Ерниязов республикамызға жумыс бабында сапар етип келген Қубла Кореяныӊ «Лотте Кемикал» компаниясыныӊ Президенти ҳәм Басқарма баслығы Ха Су Ён басшылығындағы делегацияны қабыл етти.

Республикамыз басшысы жоқары мәртебели мийманды  үлкемизге сапар етип келиўи менен қутлықлап, Өзбекстан ҳәм Қубла Корея арасындағы дослық қатнасықлардың, әсиресе саўда-экономикалық, мәденият ҳәм басқа да тараўларда бирге ислесиўдиң жақсы нәтийже берип атырғанын, Сүргил кәнинде әмелге асырылып атырған Үстирт газ-химия комплексин қурыў жойбары болса бул қатнасықлардың стратегиялық шериклик принциплери тийкарында избе-из раўажланып атырғанының айқын дәлили екенин айрықша атап өтти.

Жойбардың әмелге асырылыўы  жылына 4,5 миллиард куб. метр тәбийғый газди қайта ислеў арқалы 400 мың тонна полиэтилен, 100 мың тонна полипропилен ислеп шығарыў имканын береди. Ҳәзир бул жерде жумысшылар қалашасын қурыў, автомобиль ҳәм темир жолды иске қосыў, сондай-ақ, үскенелер жеткерип бериў, қурылыс-монтажлаў жумысларын қаржыландырыў ислери қолға алынбақта.

Өз гезегинде мырза Ха Су Ён республикамыз басшысына жыллы-жүзлилик пенен қабыл еткени ушын миннетдаршылық билдирди ҳәм еки ел арасындағы тығыз байланыслар Өзбекстан менен Қубла Корея халықларының мәплерине, дослық байланысларының буннан былай да беккемлениўине хызмет ететуғынын атап өтти.

Ушырасыў ўақтында еки тәреплеме қатнасықлар ҳәм тәреплерди қызықтырған басқа да  мәселелер бойынша кең түрде пикир алысылды.

Қабыллаўға Қарақалпақстан Республикасы Министирлер Кеңесиниң Баслығы Б.Янгибаев қатнасты.

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.