Қарақалпақстан Республикасы Жоқарғы Кеңеси

⌂ ЎЗ ҚР РУ EN

ЖОҚАРҒЫ КЕҢЕСТЕГИ ҚАБЫЛЛАЎ

26-ноябрь күни Қарақалпақстан Республикасы Жоқарғы Кеңесинде Бирлескен Миллетлер Шөлкеминиң бурынғы Бас хаткери Пан Ги Мун басшылығындағы делегацияны қабыллаў мәресими болып өтти.


Илажда Қарақалпақстан Республикасы Жоқарғы Кеңеси Баслығының орынбасары А.Хамраев мийманларды республикамыз­ға сапары менен қызғын қутлықлап, үлкемиздиң географиялық жайласыўы, халқы, ҳәкимшилик басқарыў дүзилиси, тәбийғый байлықлары, сондай-ақ, Президентимиздиң басшылығында әмелге асырылып атырған кең көлемли реформалар менен жақыннан таныстырды. Соның менен бирге, ғәрезсизлик жылларында көплеген раўажланған мәмлекетлер қатарында Қубла Корея менен де ҳәр тәреплеме байланыслар жақсы жолға қойылғанлығын ҳəм бул байланыслар бүгинги күни жаңа басқышқа көтерилгенин атап өтти.


Өз гезегинде Пан Ги Мун да республикамыздағы өзгерислер менен жаңаланыўларды жоқары баҳалап, бул аймақта экологиялық жағдайды жақсылаў жолында əмелге асырылып атырған ийгиликли ислерге өз үлесин қосатуғынлығын айтты ҳəмде жыллы жүзлилик пенен қабыл еткени ушын миннетдаршылығын билдирди.
Мағлыўмат ушын айтып өтсек, ертең, яғный 27-ноябрь күни Нөкис қаласында «Аралбойы аймағында экологиялық жағдайды жақсылаў мəселеси ҳəм бул процессте корейс диаспорасының роли» атамасында халықаралық форум болып өтеди. Сондай-ақ, «Туран» стадионында қарақалпақстанлы ҳəм қубла кореялы мəденият ҳəм спорт тараўы ўəкиллериниң қатнасыўында илажлар өткерилиўи де режелестирилген. 

 

 

Басқа жаңалықлар RSS

18.01.2019 АРАЛДЫҢ УЛТАНЫНДА 13 ОРЫНДА КОНЦЕРТ ШӨЛКЕМЛЕСТИРИЛДИ

Бəршеңизге мəлим, ҳəзирги ўақытта Ҳүрметли Президентимиздиң басламасы менен экологиялық шараятта жасап атырған республикамыз, соның ишинде Мойнақ районы халқының турмыс шараятларын буннан былай да жақсылаў, Арал теңизиниң қурыўы ақыбетинде жүзеге келген экологиялық жағдайды жумсартыў, аймақта жасыл тоғайлықлар пайда етиў бойынша кең көлемли жумыслар əмелге асырылмақта.

 

16.01.2019 САЛТАНАТЛЫ ЖЫЙНАЛЫС

Усы жыл 13-январь күни Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған салтанатлы жыйналыс болып өтти.

15.01.2019 ҚӘНИГЕЛЕСТИРИЛГЕН ОҚЫЎ-ӘМЕЛИЙ КУРСЛАРЫ БАСЛАНДЫ

Усы жыл 15-январь күни Арқа-Батыc әскерий округиниң Нөкиc гарнизонында Қарақалпақстан Республикасы Ишки ислер уйымларының кәнигелестирилген оқыў-әмелий курсларының дәслепки сабақлары басланды.