Қарақалпақстан Республикасы Жоқарғы Кеңеси

⌂ ЎЗ ҚР РУ EN

НӨКИСТЕ ХАЛЫҚАРАЛЫҚ ФОРУМ БОЛЫП ӨТТИ

Алдын хабар етилгениндей, Бирлескен Миллетлер Шөлкеминиң бурынғы Бас хаткери Пан Ги Мун басшылығындағы Қубла Корея Ҳүкимети ҳəмде социал-экономикалық тараў ўəкиллеринен ибарат делегация республикамызда сапарда болмақта.
27-ноябрь күни Қарақалпақстан Республикасы Жоқарғы Кеңесиниң үлкен мәжилислер залында “Аралбойы аймағында экологиялық жағдайды жақсылаў мәселеси ҳәм бул процессте корейс диаспорасының роли” темасында халықаралық форум шөлкемлестирилди.


Илажда Корея Республикасының ири компаниялары, шөлкемлер басшылары менен ўәкиллери, Өзбекстан Республикасы Олий Мажлиси Сенатының ағзалары, Қарақалпақстан Республикасы Жоқарғы Кеңесиниң депутатлары, Аралды қутқарыў халықаралық фонды Басқарыў комитети, Аралбойы генофондын қорғаў қайырқомлық қоры, Экология ҳәм қоршаған орталықты қорғаў мәмлекетлик комитети, тараўға байланыслы министрликлер менен ведомстволардың басшылары, эколог илимпазлар, денсаўлықты сақлаў тараўы ҳәм ғалаба хабар қуралларының ўәкиллери қатнасты.
Форумды өткериўден мақсет: Аралбойы регионын тиклеў, халықтың турмыс дәрежесин жақсылаў, аймақты социаллық-экономикалық тәрептен раўажландырыў, туризмди раўажландырыў, Арал теңизиниң қурыўы ақыбетинде жүзеге келген экологиялық машқалаларды жумсартыў бағдарында әмелге асырылып атырған жумыслардың көлемин арттырыў ҳәм сапасын буннан былай да жақсылаўдан ибарат.


Форумның ашылыў мәресиминде Қарақалпақстан Республикасы Жоқарғы Кеңеси Баслығының орынбасары А.Ҳамраев шығып сөйледи.
Атап өтилгениндей, бүгинги күнде Аралбойы аймағы халқының жасаў шараятын, Арал теңизиниң қурып кетиўи ақыбетинде жүзеге келип атырған экологиялық машқалалар ҳәм оларды сапластырыў жолында Ҳүрметли Президентимиз Ш.М.Мирзиёевтиң басшылығында кең көлемли реформалар әмелге асырылмақта. Аймақты социаллық-экономикалық тәрептен раўажландырыў бағдарында әмелге асырылып атырған усы жумыслар процессине кореялы инвесторлар да салмақлы үлес қосып келмекте.
Буннан соң БМШның бурынғы Бас хаткери Пан Ги Мун, Кореяның Өзбекстандағы елшиси Квон Ён У лар сөзге шығып, форумның алдына қойған мақсет ҳәм ўазыйпалары, бүгинги күнде пүткил дүнья жәмийетшилигиниң машқаласына айланып үлгерген Арал апатшылығы, оны сапластырыў жоллары бойынша өз пикир-усынысларын билдирди.
Сондай-ақ, форум даўамында кореялы илимпазлар, биология илимлериниң кандидаты Н.Ю.Бешко ҳәм химия илимлериниң кандидаты С.М.Югайлардың усы темаға байланыслы баянатлары тыңланды.
Халықаралық форум қатнасыўшылары әмелге асырылыўы күтилип атырған илажлар бойынша өз-ара пикир алысты.  

 

 

Басқа жаңалықлар RSS

14.06.2019 ҚАРАҚАЛПАҚСТАНДА АЙЫРЫМ ФЕРМЕРЛЕР ГЕКТАРЫНАН 80 ЦЕНТНЕРГЕ ШАМАЛАС ЗҮРƏƏТ АЛМАҚТА

Бүгин елимиздиң барлық аймақларында ырысқы-несийбемиз болған ғəллени қысқа ўақыт ишинде орып-жыйнап алыў жумыслары қызғын даўам етпекте. Атап айтқанда, Қарақалпақстан Республикасының барлық районларында ғəлле орым-жыйым мапазы шөлкемлескенлик пенен даўам етпекте.

11.06.2019 Кувейттиң жəне бир инвесторы менен бирге ислесиў жолға қойылмақта

Усы жылдың 10-июнь күни Өзбекстан Республикасының Кувейт мəмлекетиндеги Айрықша ҳəм толық ҳуқықлы елшиси Б.Аълоев ҳəм «Petroleum Dynamics Oil & Gas» компаниясының вице-президенти Махаешом Арйей басшылығындағы делегация республикамызда сапарда болды.

10.06.2019 ӨЗБЕКСТАН ТЕАТРЛАРЫНЫҢ РЕСПУБЛИКАЛЫҚ ФЕСТИВАЛЫ БАСЛАНДЫ

Усы жыл 10-июнь күни Бердақ атындағы Қарақалпақ мәмлекетлик академиялық музыкалы театрында «Сени жырлаймыз, заманлас!» Өзбекстан театрларының V республикалық фестивалының ашылыў салтанаты болып өтти.