Қарақалпақстан Республикасы Жоқарғы Кеңеси

⌂ ЎЗ ҚР РУ EN

Район белсендилериниң жыйналысы

Беруний районы белсендилериниң  Өзбекстан Республикасы Олий Мажлиси Сенатының он екинши жылпы мәжилисиниң жуўмақларына бағышланған жыйналысы болып өтти.

Жыйналысты район ҳәкими, Олий Мажлис Сенатының ағзасы Ф.Эрманов басқарып барды.

Күн тәртибиндеги мәселе бойынша  Олий Мажлис Сенатының Илим, билимлендириў, мәденият ҳәм спорт мәселелери комитетинде турақлы ислеўши сенатор Хамротош Шадиева  кең түрде шығып сөйледи.

Атап өтилгениндей, усы жыл 22-23-август күнлери Өзбекстан Республикасы Олий Мажлиси Сенатының он екинши жалпы мәжилиси болып, онда тоғыз мәселе, соның ишинде Елимизде демократиялық реформаларды буннан былай да тереңлестириў ҳәм пуқаралық жәмийетин раўажландырыў концепциясы талапларын избе-излилик пенен турмысқа енгизиў, киши бизнес ҳәм жеке исбилерменликти және де раўажландырыў ушын мүмкиншилиги болғанша  қолайлы орталықты қәлиплестириўге, социаллық ҳәм  суд-ҳуқық салаларындағы нызам ҳүжжетлерин жетилистириўге қаратылған төрт нызам көрип шығылды. Ҳәзирги ўақытта  усы мәселелердиң мазмун-мәнисин халықтың кең қатламына жеткериў бойынша  орынларда ушырасыўлар, жыйналыслар ҳәм семинарлар өткерилмекте. Сенат мәжилисинде көрип шығылған бул мәселелер  биринши гезекте халықтың тыныш-татыў турмыс кешириўине ҳәм  базарларымыздың молшылығына хызмет ететуғыны айрықша атап өтилди.

Жыйналыс қатнасыўшылары өзлерин қызықтырған сораўларға толық жуўап алды.

Жыйналысқа Қарақалпақстан Республикасы Жоқарғы Кеңесиниң социаллық раўажланыў ҳәм жәмийетлик бирлеспелер комитетиниң баслығы Б.Нурабуллаев қатнасты.

 

Басқа жаңалықлар RSS