Қарақалпақстан Республикасы Жоқарғы Кеңеси

⌂ ЎЗ ҚР РУ EN

ПРЕЗИДЕНТ САЎҒАЛАРЫ ТАПСЫРЫЛДЫ

Елимизде жаңа жылды мүнәсип күтип алыў бойынша қызғын таярлықлар көрилип, орынларда байрам тамашалары даўам етпекте.
Жаңа жыл алдында ҳәр жылы дәстүрге айланған Президент саўғаларын тапсырыў илажлары республикамыздың барлық қала ҳәм районларында көтериңкилик жағдайында өткерилди.
Усы жыл 29-декабрь күни пайтахтымыздағы Бердақ атындағы Қарақалпақ мәмлекетлик академиялық музыкалы театрында ҳәм «Президент аршасы» орнатылған майданда Президент саў­ғаларын тапсырыў илажлары өткерилди. 
Онда Қарақалпақстан Республикасы Жоқар­ғы Кеңеси Баслығы М.Ерниязов шығып сөйлеп, балаларды ҳәм устаз-тәрбияшыларды Жаңа жыл байрамы менен қызғын қутлықлады ҳәм оқыў қураллары менен Президент саўғаларын салтанатлы түрде тапсырды.
Атап айтқанда, 1-cанлы Республикалық «Меҳрибанлық үйи» тәрбияланыўшыларына, елимиздиң тынышлығы жолында қурбан болған Ишки ислер уйымлары, Қорғаныў, Айрықша жағдайлар басқармалары және Мәмлекетлик қәўипсизлик хызмети хызметкерлериниң перзентлерине ҳәм Нөкис қаласындағы улыўма орта билим бериў мектеплери оқыўшыларына Президент саўғалары тапсырылды.
«Президент аршасы» байрамында көркем өнер ғайраткерлери, музыка ҳәм көркем өнер мектеплериниң оқыўшылары тәрепинен таярлан­ған концерт бағдарламасы, Қарақалпақ мәмлекетлик жас тамашагөйлер театрының актёрлары, сондай-ақ, Қарбаба, Қарқызы ҳәм басқа да балалар ушын қызықлы болған ертек қаҳарманлары қатнасындағы дөретпелер тийкарында сахналық көринислер қойып берилди. 
Усы жыл 29-30-декабрь күни республикамыздың барлық район ҳәм қалаларында Президент саў­ғаларын тапсырыў илажлары өткерилип, байрам тамашалары көтериңки руўхта өткерилди. Соның менен бирге, Қарақалпақстан Республикасы Жоқарғы Кеңеси ҳәм Министрлер Кеңеси тәрепинен таярланған 40 миллион 215 мың сумлық саўғалар да берилди.       

 

Басқа жаңалықлар RSS

14.06.2019 ҚАРАҚАЛПАҚСТАНДА АЙЫРЫМ ФЕРМЕРЛЕР ГЕКТАРЫНАН 80 ЦЕНТНЕРГЕ ШАМАЛАС ЗҮРƏƏТ АЛМАҚТА

Бүгин елимиздиң барлық аймақларында ырысқы-несийбемиз болған ғəллени қысқа ўақыт ишинде орып-жыйнап алыў жумыслары қызғын даўам етпекте. Атап айтқанда, Қарақалпақстан Республикасының барлық районларында ғəлле орым-жыйым мапазы шөлкемлескенлик пенен даўам етпекте.

11.06.2019 Кувейттиң жəне бир инвесторы менен бирге ислесиў жолға қойылмақта

Усы жылдың 10-июнь күни Өзбекстан Республикасының Кувейт мəмлекетиндеги Айрықша ҳəм толық ҳуқықлы елшиси Б.Аълоев ҳəм «Petroleum Dynamics Oil & Gas» компаниясының вице-президенти Махаешом Арйей басшылығындағы делегация республикамызда сапарда болды.

10.06.2019 ӨЗБЕКСТАН ТЕАТРЛАРЫНЫҢ РЕСПУБЛИКАЛЫҚ ФЕСТИВАЛЫ БАСЛАНДЫ

Усы жыл 10-июнь күни Бердақ атындағы Қарақалпақ мәмлекетлик академиялық музыкалы театрында «Сени жырлаймыз, заманлас!» Өзбекстан театрларының V республикалық фестивалының ашылыў салтанаты болып өтти.