Қарақалпақстан Республикасы Жоқарғы Кеңеси

⌂ ЎЗ ҚР РУ EN

Жаңалықлар

05.06.2015 Реформалар инсан мәплерин тәмийинлеўге бағдарланған

Мәмлекетимизде Ҳүрметли Президентимиздиң басламасы менен барлық тараўларда алып барылып атырған реформалар өзиниң унамлы нәтийжесин көрсетип, бүгинги күнде олар ҳәтте жәҳәнниң раўажланған мәмлекетлери тәрепинен ҳәр тәреплеме тән алынып атырғанлығы барлығымыздың кеўлимизде қуўаныш ҳәм мақтаныш сезимлерин оятады.

04.06.2015 Аўыл хожалығына жаңа техникалар

Аўыл хожалығы жумысларының өнимдарлығын арттырыўда, әсиресе, егислик жерлердиң сүрим жумысларын өз ўақтында сапалы етип жүргизиў менен олардан алынатуғын мол зүрәәтти жыйнап алыўда жоқары қуўатлылыққа ийе болған техникалардың атқаратуғын хызметлери айрықша.

01.06.2015 Балалар майданшасы ашылды

Халықаралық балаларды қорғаў күни мүнәсибети менен өткерилген «Ҳәр бир бала меҳир, итибарда» деп аталған қайыр-сақаўат ҳәптелиги көлеминде көплеген ийгиликли ислер әмелге асырылды.

01.06.2015 Жаңа фонтан иске түсирилди

Күн сайын емес, ал саат сайын өзгерип, жаңаланып баратырған пайтахтымыз Нөкис қаласының шырайына шырай қосатуғын және бир объект иске түсирилди. Халықаралық балаларды қорғаў күни мүнәсибети менен қала орайындағы «Жаслар орайы» имаратының «Дослық» каналы жағасына шекемги аралықтағы жаслар аллеясында диаметри 12 метр болған фонтанның қурылыс жумыслары тамамланып, пайдаланыўға берилди.

27.05.2015 Жаслық, гөззаллық ҳәм спорт байрамы

Пайтахтымызда «Үмит нәлшелери - 2015» спорт ойынларының жеңимпазларын сыйлықлаў мәресими болып өтти

25.05.2015 Жақсы байланыс — жоқары нәтийже

Елимизде 2013-жылдың июнь айынан баслап Европа Аўқамының Өзбекистан ушын DCI бағдарламасы шеңберинде «Өзбекистанда еки палаталы парламент системасын буннан былай да беккемлеў ҳәм жергиликли кеңеслер менен байланысларды раўажландырыў» жойбары әмелге асырылмақта

22.05.2015 Суўдан нәтийжели пайдаланыў - дәўир талабы

Өзбекистан Республикасы Президентиниң «2015-жылға Өзбекистан Республикасының инвестициялық бағдарламасы ҳаққында»ғы қарарында «Қарақалпақстанның түслик районларында суў ресурсларын басқарыўды жақсылаў» жойбарын әмелге асырыў белгиленген. Усы жойбарға киргизилген аймақлар менен танысыў мақсетинде Жәҳән банкиниң бир топар ўәкиллери республикамыздың Беруний районында болды

20.05.2015 Пәрман ҳәм Нызамларды үйрениўге бағышланды

Усы жыл 20-май күни Нөкис қаласында Өзбекистан Республикасы Олий Мажлиси Сенатының екинши жалпы мәжилисинде мақулланған нызамлар ҳәм қарарлар, Өзбекистан Республикасы Президентиниң 2015-жыл 15-майдағы «Жеке меншик, киши бизнес ҳәм жеке исбилерменликти исенимли қорғаўды тәмийинлеў, оларды жедел раўажландырыў жолындағы тосқынлықларды сапластырыў илажлары ҳаққында»ғы Пәрманы және ҳүкимет қарарларының мазмун-мәнисин халыққа жеткериў мәселелерине бағышланған мәжилис болып өтти.

16.05.2015 Абат елдиң бахытлы пуқараларымыз

Пайтахтымыздағы Бердақ атындағы Қарақалпақ мәмлекетлик сазлы театрында Өзбекистан Республикасы Президенти И.Кәримовтың 9-май — Еслеў ҳәм қәдирлеў күни ғалаба хабар қураллары ўәкиллери менен болған сәўбетинде билдирген пикирлерин үйрениўге бағышланған мәжилис болып өтти. Оған урыс ҳәм мийнет ветеранлары, кең жәмийетшиликтиң, өзин-өзи басқарыў уйымларының, ғалаба хабар қуралларының ўәкиллери, студент-жаслар қатнасты.

14.05.2015 Белсенди жаслар елимиз келешеги

Өзбекистан «Камолот» жаслар жәмийетлик ҳәрекети орайлық кеңесиниң Ғәрезсизлигимиздиң 24 жыллығына бағышланған ең үлкен жойбарларынан бири -  «Биз уллы журт перзентлеримиз!» сүрени астында өтип атырған жаслар фестивалы. Оның тийкарғы мақсети жасларымызды елимизде жүз берип атырған социаллық-сиясий, экономикалық, демократиялық өзгерислер менен жақыннан таныстырыў, жәмийетлик-сиясий белсендилигин арттырыў, оларды миллий қәдириятларымызға терең ҳүрмет руўхында тәрбиялаўдан ибарат...

11.05.2015 Халықлар дослығын беккемлеўши илаж

11-май күни Өзбекистан Көркем өнер академиясының Қарақалпақстан бөлиминиң көргизбелер залында Өзбекистан Көркем өнер академиясы, Икуо Хираяма Халықаралық мәденият кәрўан сарайы, Өзбекистан Көркем өнер академиясының Қарақалпақстан бөлими ҳәм Ташкент Фотосүўретлер үйиниң шөлкемлестириўинде «Нөкисте Япония мәденияты күнлери»ниң ашылыў мәресими болып өтти.

09.05.2015 Бабалар естелигине тəжим

9-май — Еслеў ҳәм қәдирлеў күни республикамызда кең түрде белгиленди. Быйыл бул сәнениң 1941-1945-жыллардағы екинши жәҳән урысында фашизм үстинен ерисилген уллы жеңистиң 70 жыллығы, соның менен бирге, Президентимиз тәрепинен жәрияланған «Кекселерди қәдирлеў жылы»на туўра келиўи өзгеше мәниге ийе болды.

07.05.2015 Шымбайда Ибрайым Юсуповтың үй музейи ашылды

Шайыр халқы еки мәрте жасайды. Бириншиси оның физиологиялық өмири болса, екиншиси дөреткен шығармалары. Əзелден-ақ көркем әдебиятқа шайда қарақалпақ халқы өзиниң сүйикли перзенти, Өзбекистан Қаҳарманы, Өзбекистан ҳәм Қарақалпақстан халық шайыры Ибрайым Юсуповты келмес сапарға атландырғанына жети жылдың майданы болған болса да оның өлмес қосықлары жүрегимизде мәңги жасайтуғыны ша­йыр туўылған 5-май сәнесинде және бир мәрте өз тастыйығын тапты.