Қарақалпақстан Республикасы Жоқарғы Кеңеси

⌂ ЎЗ ҚР РУ EN

Жаңалықлар

07.05.2015 Шымбайда Ибрайым Юсуповтың үй музейи ашылды

Шайыр халқы еки мәрте жасайды. Бириншиси оның физиологиялық өмири болса, екиншиси дөреткен шығармалары. Əзелден-ақ көркем әдебиятқа шайда қарақалпақ халқы өзиниң сүйикли перзенти, Өзбекистан Қаҳарманы, Өзбекистан ҳәм Қарақалпақстан халық шайыры Ибрайым Юсуповты келмес сапарға атландырғанына жети жылдың майданы болған болса да оның өлмес қосықлары жүрегимизде мәңги жасайтуғыны ша­йыр туўылған 5-май сәнесинде және бир мәрте өз тастыйығын тапты.

04.05.2015 Германия елшисиниң сапары

Германияның Өзбекистандағы Айрықша ҳәм толық ҳуқықлы елшиси мырза Найтхарт Хёфер-Виссинг ҳәм германиялы компания ҳәм шөлкемлердиң бир топар ўәкиллеринен ибарат делегация 4-май күни республикамызға сапар етип келди.

Қарақалпақстан Республикасы Жоқарғы Кеңесиниң Баслығы М.Ерниязов елши Найтхарт Хёфер-Виссингти қабыл етти.

01.05.2015 Және бир ири қурылыс жойбары иске асты

Бүгин Қарақалпақстан танымастай дәрежеде өзгерип атыр. Жақында пайтахтымызда және бир ири қурылыс жойбары — А-380 «Гузар-Бухара-Нөкис-Қоңырат-Бейнеў» ҳәм «Нөкис-Шымбай-Тахтакөпир» автомобиль жолларының кесиспесиндеги транспорт шешимлери қурылысының тийкарғы бөлеги тамамланып, пайдаланыўға тапсырылды.

30.04.2015 Жаңа жойбарлар додаланды

Нөкисте Олий Мажлис Нызамшылық палатасы тәрепинен қабыл етилип, Сенаттың қарап шығыўына усынылған «Баҳалы қағазлар базары ҳаққында»ғы ҳәм «Тасыўшының пуқаралық жуўапкершилигин мәжбүрий қамсызландырыў ҳаққында»ғы Өзбекистан Республикасы Нызамларының жаңа редакциядағы жойбарларының аймақлық мәплерге сәйкеслигин үйрениўге ҳәм додалаўға бағышланған мәжилис болып өтти. Оған Олий Мажлис Сенатының ағзалары, Жоқарғы Кеңес депутатлары, тийисли министрликлер менен ведомстволардың, мәмлекетлик комитетлердиң, жәмийетлик шөлкемлердиң басшылары ҳәм ғалаба хабар қуралларының ўәкиллери қатнас­ты.

30.04.2015 Жаңа инновациялық жойбарлар ҳәм технологиялар - өндириске

Нөкисте VIII инновациялық идеялар, технологиялар ҳәм жойбарлар ярмаркасының аймақлық бас­қышы болып өтти. Оған Ташкент қаласынан, ўәлаятлардан ҳәм республикамыздан жетекши илим-изертлеў орайлары, жоқары ҳәм орта арнаўлы оқыў орынларының профессор-оқытыўшылары, бир қатар минис­трлик ҳәм ве­домстволарға қараслы илимий-изертлеў, тәжирийбе-конструкторлық мәкемелердиң илимпазлары, ғалаба хабар қуралларының ўәкиллери қатнасты.

29.04.2015 Биринши шерекке жуўмақ жасалды

Усы жыл 29-апрель күни Нөкисте 2015-жылдың биринши шерегинде Қарақалпақстан Республикасын социаллық-экономикалық раўажландырыўдың жуўмақлары, быйылғы жылғы экономикалық бағдарламаның ең әҳмийетли ўазыйпаларының орынланыў барысын баҳалаўға бағышланған мәжилис болып өтти. Оған Жоқарғы Кеңестиң комитет баслықлары, ҳүкимет ағзалары, қала ҳәм район ҳәкимлери, министрликлер менен ведомстволардың, мәмлекетлик комитетлердиң, мәкеме ҳәм кәрханалардың басшылары, ғалаба хабар қуралларының ўәкиллери қатнасты.

23.04.2015 Пуқаралық жәмийети институтларының белсендилиги артпақта

Нөкисте Өзбекистан Республикасы Олий Мажлиси Нызамшылық палатасының Демократиялық институтлар, мәмлекетлик емес шөлкемлер ҳәм пуқаралардың өзин-өзи басқарыў уйымлары комитети, Қарақалпақстан Республикасы Жоқарғы Кеңеси ҳәм Министрлер Кеңесиниң шөлкемлестириўинде «Кекселерди қәдирлеў жылы» Мәмлекетлик бағдарламасында белгиленген ўазыйпаларды әмелге асырыўда пуқаралық жәмийети инс­титутларының орны ҳәм роли» темасында дөгерек сәўбети болып өтти. Оған Олий Мажлис Нызамшылық палатасының депутатлары, тийисли министрликлер менен ведомстволардың, мәмлекетлик емес коммерциялық емес шөлкемлердиң басшылары ҳәм ғалаба хабар қуралларының ўәкиллери қатнасты.

20.04.2015 Мәдений ҳәм тарийхый мийрасты сақлаўға бағышланды

Мәдений ҳәм тарийхый мийрасты сақлаў, үйрениў ҳәм әўладтан-әўладқа жеткериў бүгинги жаслардың руўхый дүньясының байыўы ҳәм пүткил жәмийтимиздиң турақлы раўажланыўы ушын үлкен әҳмийетке ийе. Өзбекистан Республикасы Президенти И.Кәримов өзиниң «Жоқары мәнаўият – жеңилмес күш» атлы шығармасында атап өткениндей, руўхый мийрас, мәдений қәдириятлар ҳәм әййемги тарийхый естеликлер руўхыйлықты қәлиплестириўдиң ең әҳмийетли тийкарларынан бири. Бунда халықаралық бирге ислесиў, БМШтың пүткил дүнья жүзилик мәдений ҳәм тәбийғый мийрасты қорғаў ҳаққындағы конвенциясы сыяқлы ҳуқықый ҳүжжетлерди турмысқа енгизиў үлкен әҳмийетке ийе. 

20.04.2015 Қәдирлеў – әзиз, еслеў – муқаддес

Президентимиздиң 2014-жыл 13-октябрьдеги «1941-1945-жыллардағы урыс ҳәм мийнет фронты ветеранларын социаллық қоллап-қуўатлаўды буннан былай да күшейтиў илажлары ҳаққында»ғы, 2015-жыл 19-февральдағы «Өзбекистан Республикасының пуқаралары – 1941-1945-жыллардағы урыс ҳәм мийнет фронты ветеранларын «Екинши жәҳән урысындағы Жеңистиң 70 жыллығы» естелик юбилей медалы менен сыйлықлаў ҳаққында»ғы ҳәм усы жыл 6-марттағы «1941-1945-жыллардағы урыс қатнасыўшыларын хошаметлеў ҳаққында»ғы пәрманлары қабыл етилген еди. Ҳәзир орынларда кексе әўлад ўәкиллерине усы ҳүжжетлерде көрсетилген сыйлықлар салтанатлы жағдайда тапсырылып атыр.

19.04.2015 «Үмит нәлшелери – 2015» Таңлап алыў басқышына жетип келди

Ҳәр жылы республикамызда өткерилип киятырған үш басқышлы спорт ойынлары жарысларында үлкен табысларды қолға киргизип киятырған жасларымыз арасынан соңғылығында көплеп спортшылар жетилисип шықпақта.