Қорақалпоғистон Республикаси Жўкорғи Кенгеси

⌂ ЎЗ ҚР РУ EN

43 МИНГ ГЕКТАРДАН ОРТИҚ ЕРГА САКСОВУЛ УРУҒИ ЭКИЛДИ

“Орол фожиасидан энг кўп зарар кўрган асли шу — Мўйноқ аҳолиси. Уларнинг сабр-қаноати, ватанпарварлиги, меҳнаткашлиги учун раҳмат айтишимиз, шунга муносиб хизмат қилишимиз керак” деган эди Муҳтарам Президентимиз ўтган йилнинг 15-16 ноябрь кунлари Қорақалпоғистонга ташрифи давомида. 
Шунингдек, мамлакатимиз раҳбари 28 декабрь кунги Олий Мажлисга Мурожаатномасида Оролбуйи ҳудудини ижтимоий-иқтисодий томондан ривожлантириш, денгизнинг қуриган ҳудудида 2019 йилнинг ўзида 500 минг гектар ерни ўрмонзорликга айлантириш  буйича кечиктириб бўлмайдиган аниқ вазифаларни белгилаб берган эди.
Оролбуйи ҳудудида юзага келган экологик вазиятни юмшатиш борасидаги эзгу ишлар, яъни денгизнинг сувсиз қолган ҳудудида чўлга чидамли ўсимликларни экиш жараёни декабрь ойидан-оқ бошланиб кетди.
Ҳозирда бу ерда Қорақалпоғистон Республикасининг шаҳар ва туманларидан, вилоятлардан келган Ўрмон хўжаликлари, Ободонлаштириш бошқармасининг ходимлари, механизаторлар, ишчилар, маҳаллий аҳоли иштирокида саксовул уруғини йиғиш ва экиш ишлари амалга оширилмоқда.
Бу ерда ўтказилаётган тадбирларга республикамиз ва вилоятлардан жами 1 минг 500 дан ортиқ киши ҳамда 400 дан ортиқ техникалар жалб қилинган.
Бугунги кунда саксовул экиш учун жами 170 минг гектардан ортиқ ер майдони тайёрланиб, жами 43 минг гектардан ортиқ ерга саксовул уруғи экилган.
Шу кунгача жами 667500 килограмм саксовул уруғи тайёрланган. Ишчиларнинг меҳнат ҳақлари ўз вақтида тўланиб, уларга жами 975 миллион сўм иш ҳақи берилган. 
Бу ерда амалга оширилаётган хайрли ишларга ўз ҳиссаларини қўшиш учун республикамизнинг туманларидан қўшимча техника ва механизаторларнинг Муйноқ туманига етиб келиши давом этмоқда.

 

 

Бошқа янгиликлар RSS

14.06.2019 ҚОРАҚАЛПОҒИСТОНДА АЙРИМ ФЕРМЕРЛАР ГЕКТАРИДАН 80 ЦЕНТНЕРГА ЯҚИН ҲОСИЛ ОЛМАҚДА

Бугун мамлакатимизнинг барча ҳудудида ризқ-рўзимиз бўлган ғаллани қисқа фурсатларда йиғиштириб олиш ишлари қизғин паллага кирган. Жумладан, Қорақалпоғистон Республикасининг барча туманларида ғалла ўрим-йиғим мавсуми уюшқоқлик билан давом этмоқда.

11.06.2019 Қувайтнинг яна бир инвестори билан ҳамкорлик ўрнатилмоқда

Жорий йилнинг 10 июнь куни Ўзбекистон Республикасининг Қувайт давлатидаги Фавқулодда ва Мухтор элчиси Б.Аълоев ва “Petroleum Dynamics Oil & Gas” компаниясининг вице-президенти Махаешом Арйей раҳбарлигида делегация республикамизга ташриф буюрди.

10.06.2019 Ўзбекистон театрларининг республика фестивали

Бердақ номидаги Қорақалпоқ давлат академик мусиқали театрида “Сени куйлаймиз, замондош!” Ўзбекистон театрлари V республика фестивалининг очилиш маросими бўлиб ўтди.

08.06.2019 ПИЛЛАКОРЛАРИМИЗ ШАРТНОМА РЕЖАСИНИ ОРТИҒИ БИЛАН БАЖАРДИ

Пилла – халқ бойлиги. Қишлоқ хўжалиги соҳасида пиллачиликнинг ўз ўрни бор. Буни теранг англаган республикамиз пиллакорлари ҳар йили пилладан мўл ҳосил олиш учун тинимсиз меҳнат қилмоқда.