Қорақалпоғистон Республикаси Жўкорғи Кенгеси

⌂ ЎЗ ҚР РУ EN

“ОРОЛ — МЕНИНГ ТАҚДИРИМДА”

Барчамизга маълум, Орол денгизининг сувсиз қолган ҳудудида чўлга чидамли ўсимликларни экиш ишларида республикамизнинг барча шаҳар, туманларидан ва вилоятлардан ташриф буюрган ҳашарчилар чинакам ватанпарварлик намуналарини кўрсатишяпти. 
Бу хайрли ишларда берунийликлар ҳам фаол иштирок этмоқда. “Беруний агросервис” МТП, туман Ободонлаштириш бошқармаси ҳамда ўрмон хўжалиги ходимлари Орол денгизининг қуриган ҳудудларида маҳаллий иқлим шароитларига чидамли ўсимликларни экиш, саксовул уруғини йиғиш, ариқ қазиш, атрофни ўрмонлаштириш борасида фидойилик кўрсатишмоқда. Ишчилар учун барча қулай шароитлар яратилган.
Яқинда Беруний туман ҳокимлиги томонидан Оролбуйида ўрмонлар барпо этиш ишларида фидойилик кўрсатаётган туманимиз механизаторлари пул мукофотлари ҳамда қўл телефонлари билан моддий рағбатлантирилди. 

Л. Базарбаева,
 «Халқ минбари» газетаси мухбири.

 

Бошқа янгиликлар RSS