Қорақалпоғистон Республикаси Жўкорғи Кенгеси

⌂ ЎЗ ҚР РУ EN

ФАОЛ ЁШ ОИЛАЛАР ЯНГИ ЙИЛНИ ЯНГИ УЙЛАРДА КУТИБ ОЛИШАДИ

Нукус шаҳри «Қумбыз аўыл» маҳаллар фуқаролар йиғини ҳудудида мамлакатнинг ижтимоий ҳаётида фаол иштирок этаётган навбатдаги 48 та ёш оилаларга хонадон калитлари топшириш маросими бўлиб ўтди.

Тадбирда Қорақалпоғистон Республикаси Жўқорғи Кенгеси Раисининг ўринбосари А.Ҳамраев, Нукус шаҳар ҳокими П.Тўрешов, Ўзбекистон Республикаси Ёшлар иттифоқи марказий кенгаши раиси ўринбосари С.Махсудов, Ёшлар иттифоқи Қорақалпоғистон Республикаси кенгаши раиси А.Данияров ҳамда оммавий ахборот воситалари вакиллари иштирок этди.

Таъкидланганидек, Ўзбекистон Республикаси Вазирлар Маҳкамасининг 2014 йил 8 сентябрда қабул қилинган “Мамлакатнинг ижтимоий ҳаётида фаол иштирок этаётган ёш оилаларни уй-жой билан таъминлашни янада қўллаб-қувватлаш чора-тадбирлари тўғрисида”ги қарори ва Муҳтарам Президентимиз томонидан 2017 йил 5 июлда қабул қилинган “Ёшларга оид давлат сиёсати самарадорлигини ошириш ва Ўзбекистон Ёшлар иттифоқининг фаолиятини қўллаб-қувватлаш тўғрисида”ги фармонига асос Қорақалпоғистон Республикаси фаол ёш оилалари кетма-кет уй-жойлар билан таъминланиб келинмоқда.

Ушбу кўп қаватли уй-жойлар «Қоңырат Строй Стил» масъулияти чекланган жамияти моҳир қурувчилари томонидан белгиланган муддатда сифатли қуриб битказилди. Уй-жойлар замановий маиший ускуналар билан таъминланган.

Тадбирда нутқ сўзлаганлар томонидан янги хонадон эгалари қизғин қутланиб, уларга имтиёзли кредит асосидаги хонадон калитлари тантанали равишда туҳфа этилди.

– Санъат соҳасидаги ижодий меҳнатларимни эътиборга олиб, ушбу замоновий хонадонга эга бўлиш бахти насиб этганидан жудаям хурсандман, – дейди Нукус педагогика коллежи ўқитувчиси, Ўзбекистон миқёсидаги бир нечта танловлар ғолиби Ерисбай бахши Асқаров. – Бу учун аввало, биз ёшларнинг ғамхўрчиси Муҳтарам Президентимизга, Қорақалпоғистон Республикаси Ҳукуматига, Ўзбекистон Ёшлар иттифоқи марказий Кенгаши ва унинг Қорақалпоғистон Республикаси Кенгашига миннотдарчилик билдираман. Шунингдек, бугунги бахтли ёш оилалар – барча иқтидорли тенгдошларимни янги хонадонга эга бўлиши билан чин қалбдан муборакбод этаман. Келажакда бизга берилган юқари ишончни оқлашда, яъни мамлакатимиз ижтимоий соҳасида янада фаол иштирок этишда бор куч ва ғайратимизни сарфлаймиз.

Тантанали тадбир Қорақалпоғистон Республикаси таниқли санъаткорлари концерт дастури билан давом этди.

 

Бошқа янгиликлар RSS

21.05.2019 Жўқорғи Кенгес Раисининг навбатдаги сайёр қабули Нукус шаҳрида ўтказилди

Жорий йилнинг 21 май куни Қорақалпоғистон Республикаси Жўқорғи Кенгесининг Раиси М.Ерниязов Нукус шаҳридаги Спорт мажмуаси биносида сайёр қабул ўтказиб, пойтахт аҳолиси билан учрашди.

19.05.2019 ЖЎҚОРҒИ КЕНГЕС РАИСИ ТАХТАКЎПИРЛИК ЧОРВАДОРЛАР ҲОЛИДАН ХАБАР ОЛДИ

18 май куни Қорақалпоғистон Республикаси Жўқорғи Кенгесининг Раиси М.Ерниязов Тахтакўпир туманидаги чорвадорларнинг ҳолидан хабар олди.

14.05.2019 Жўқорғи Кенгес Раиси раҳбарлигидаги делегация Жанубий Кореяда бўлмоқда

Барчамизга маълум, сўнгги йилларда мамлакатимизда Муҳтарам Президентимизнинг раҳбарлигида хорижий инвесторлар билан ҳамкорлик ўрнатиш ва юртимизга инвестициялар олиб кириш борасида самарали ишлар амалга оширилмоқда.

07.05.2019 Қорақалпоқ прозасининг сардори

Бердақ номидаги Қорақалпоқ давлат академик мусиқали театрида Ўзбекистон Қаҳрамони, Ўзбекистон ва Қорақалпоғистон халқ ёзувчиси Тўлепберген Қайипбергенов таваллудининг 90 йиллигига бағишланган тантанали анжуман бўлиб ўтди.

07.05.2019 Уруш қатнашчисига уй топширилди

Қорақалпоғистон Республикаси Жўқорғи Кенгеси Раиси М.Ерниязов Нукус шаҳри “Қизил қум” маҳалла фуқаролар йиғини ҳудудида яшовчи Иккинчи жаҳон уруши қатнашчиси Атабай Ермағамбетовга байрам совғаларини топширди.